Hello dosto,daal makhani recipe ek bohat hi pasandida punjabi recipe hai.Yah ek savaadist aur creamy daal hai,yah jitani savaadist hai utani hi postic bhi hai.To aaiye suru karte hai daal makhani banana.
Ingredients for Daal Makhani (Avshyak Samgri)-
- Kale sabut urad-100 gram(1/2 cup)
- Sabut kale chana ya rajma-50 gram(1/4 cup)
- Khana soda-1/4 choti chamach
- Tamatar-4
- Hari mirch-3-4
- Adrak-2 inch ka tukada
- Cream ya makhan- 2-3 tablesapoon
- Desi ghi-1 ya 2 tablesapoon
- Hing-1 pinch
- Jeera-1/2 chota chamach
- Methi-1/4 choti chamach
- Haldi powder-1/4 choti chamach
- Lal mirch powder-1/4choti chamach
- Garam masala-1/4 choti chamach
- Namak-1 choti chamach(savadanusaar)
- Haraa dhaniya- 1/2 choti katori(baarik kutra hua)
- Pyaj-1 baarik kataa hua(agar aap chahe to hi daaliye)
How to Make Daal Makhani (Vidhi)-
Urad aur chane ya rajma ko dho kar 8 ghante ya puri raat paani me bhigo dijiye.
Daalo me se paani nikaal dijiye,dhoiye,daal cooker me daaliye,khana soda aur namak daal kar 2 1/2 cup (daal ki matra ka 3 guna) paani ke sath ubalne ke liye rakh dijiye.Cooker me sity aa jaane ke baad gas dhimi kar dijiye aur daal ko 5-6minute dhimi aanch par pakane dijiye,aag band kar dijiye.
Tamatar ,hari mirch aur aadha adrak chilkar dho kar mixi me baarik pees lijiye.Aadha adrak kaddukas ya chota-chota kaat lijiye.
Kadhayi me ghi dal kar garam kijiye,hing,jeera,methi daaliye.Jeera ,methi bhunane ke baad pyaj daal kar halka gulabi bhuniye.Ab adrak,haldi powder,dhaniya powder, aur lal mirch powder dal kar 1/2 minute chamach se chalaiye.Iss masale me tamatar,hari mirch ka paste aur cream dal dijiye.Chamach se chalate hue tab tak bhune jab tak ki masale ke upar tel tairne na lage.
Iss bhune hue masale me cooker khulane par daal mila lijiye,aap daal ko jitna gadha va patla rakhna chahte hai,Avshyktanusaar paani mila dijiye.Ubaal aane ke baad 3-4 minute tak pakaye,aag band kar dijiye aur garam masala , aadha haraa dhaniya dal kar mila dijiye.Daal makhani tyar hai.
Daal makhani pyale me nikaliye,upar se haraa dhaniya ,makhan se sajaakar parosiye.
Subscribe Us by Email and Get Free Updates On Hot Topics!
Share:
